Dokumentára filmmat maid Internášunála Sámi Filbmainstituhtta lea ruhtadan
Bihttoš

Boares govaiguin,neaktimiin ja animašuvnnain, Elle-Máija Tailfeathersa earenomáš bivnnuhis ja guoski dokumentára Bihttoš, iská movt dološ verrodagat leat váikkuhan su áhči ja eatni náitosdili. Su eadni lea Bláckfoot indiána ja su áhčči sápmelaš.

Bagadalli ja čálli: Elle Máija Tailfeathers
Buvttadeaddjit: Elle Máija Tailfeathers ja Laura Good
Šjáŋŋer: Dokumentára
Jearaldagat čajaheami ja kopiijaid birra, váldde oktavuođa:
Buvttadeaddji: Elle Máija Tailfeathers maija.tailfeathers@gmail.com
Kaisa’s Enchanted Forest

Kaisa’s Enchanted Forest lea mágihkalaš dokumentára filbma eallenagi olmmáivuođa birra, dološ guovssahas máidnasa ja kultuvrra birra maid nubbi máilmmesoahti measta duššadii. 

Filbma maid muitala animašuvnnain movt Nuorttalaš sámiid guovssahasa riegádeami máinnas ain lea áigeguovdil ja movt dát guoskkaha olmmošvuođa stuorámus tragediija, soađi. Filmma bagadalli lea Katja Gauriloff, gii lea Kaisa Gauriloffa máttarmánná.

Bagadalli: Katja Gauriloff
Buvttadeaddji: Satu Majava, Oktober Film
Šjáŋŋer: Dokumentára
Jearaldagat čajaheami ja kopiijaid birra, váldde oktavuođa:
Buvttadeaddji: Satu Majava, Oktober Film www.oktober.fi
Ivnnit ja Eallin

Soahti gaskal daidda já jugešvuođa lea muitalus niegu birra šaddat dáiddárin, dan bogta go álkohola stalut bahkkejit duogábealde. Filma lea Amund Anti birra Kárášjogas eret guitte leamašan giita álkohola čorbmaid siskubeale dadjat jo olle su eallima. Sii ledje ollusat seamma dilis, dál leat eadnažat vadjulan. Su eallin leamaš seavdnjat ja garas, muhto Amunda čuovga leamašan su daidda. Filmmas son doarru dán čuovgga ja seavdjnasa gaskkas, já dat lea soahti mi ii goassige noga.

Čálli/Bagadalli: Harry Johansen
Buvttadeaddji: Harry Johansen, Govas
Guhkkodat: 40 min
Šjáŋŋer: Dokumentára
Jearaldagat čajaheami ja kopiijaid birra, váldde oktavuođa:
Buvttadeaddji: Harry Johansen, Govas, harry@govas.no
Golbma nanu áhku

Eamiálbmogiid servodagain lea dávjá nu ahte boarráset olbmuin leat olu deaŧalaš doaimmat. Sii dat leat guđet doalahit kulturárbbi, vieruid ja eallinvuogi ja juhket daid nuorat buolvvaide.

Dávjá gullá dát bargu áhkuide. Lea son guhte lea árgabeaivvi eallima nana guovddáš. Su barggus leat ollu bealit. Áhkobiid riegádahttima rájes son lea dies, sealgeeadnin. Dasa lassin sutnje gullá leat buohccedivššár, oahpaheaddji, ruhtadoalli, vuoiŋŋalaš duvda/ráđđeaddi jna. Lea áhkku guhte diehtá muitalit muitalusaid, myhtaid, máidnasiid, muhto maiddái álbmoga historjjá ja nieguid boahttevaš áigái. Son lea máinnasteaddji ja dat geas leat oainnáhusat. Lea maiddái dávjá nu ahte lea son guhte fuolaha ruoktobáikki geavatlaš doaimmaid. Borramušháhkama rájes gitta gávppašeapmái.

Filmmas mii čuovvut 3 áhku eamiálbmotmáilmmis. Sin bokte geahčči beassá oahpástuvvat olles dan birrasis ja servodahkii gos sii ellet. Eamiálbmogiid árgabeaivi boahtá dán láhkái oidnosii eará láhkái go lea vurdojuvvon.
Juohke guovllus govahallat eamiálbmogiid áhkuid, ja sin lagamusaid čalmmiid čađa, oainnut ja árvvoštallamat bohtet servodagaid “siskkobealis”.

Vaikko sis dávjá lea váttis dilli ja muhtumin leat geafit sii eai leat vártnohis riebut eaige rávkkit. Sii leat baicce čeavlás nana áhkut geat vuostegieđageavvamiid ja váttisvuođaid čađa rahčet sin bearraša, soga ja álbmoga boahtteáiggi ovddas.

Čuovvovaš áhkut oassálastet filmmas:
Olive Knight, aboriginal, Wangkatjngka, Australias
María Rosario López, Zatopec, San Blas Atempa, Oaxaca, Mexikos
Eli Kappfjell, Majavatten, Sámis

Filmma buvttadeaddji: John E. Utsi
Govvejeaddji/čuohppi: Dan Jåma
Musiihka: Nina Nordvall Vahlberg
Guhkkodat: 58 min.
Šjáŋŋer: Dokumentára

Filbma lea tekstejuvvon ruoŧagillii, eaŋalašgilli, spanskagillii ja dárogillii. Buvttadeamis lea SVT, Filmpool Nord ja Sámi Kompania AB oassálastan.
Jearaldagat čajaheami ja kopiijaid birra, váldde oktavuođa:
Sami Kompaniijan, John Erling Utsi, john@utsi.se
Doppe gávdnojit buorideaddjit

Davvin leat veahkit, olbmot geain leat erenoamáš attáldagat. Min sámi árbevierus sii leat gávdnon áiggiid čađa. Sii dálkkodedje, válde bákčasiid, bissehedje vara ja veahkehedje olbmuid máŋgga ládje – ráhkisvuođain ja čiegusvuođas bálkká haga. Dát buorit veahkit leat ain dás, min ođđaáiggi máilmmis, čihkosis, muhto eai jávkan. Mii lea sin attáldat, lea go dát skeaŋkka vai sáhttá go juohkehaš oahppat dálkkodit? Muitaluvvo golmma guvhllára ja sin čanástaga birra dálkkodeaddji vuimmiide. Mii váldit geahčči mielde min kultuvrra siskkimus čiegusvuođaide ja geahččalit oahppat bissehit vara – filmmas.
Jearaldagat čajaheami ja kopiijaid birra, váldde oktavuođa:
Buvttadeaddji: Harry Johansen, Govas, harry@govas.no