Stacks Image 75326
Oanehis filbma bargobáji

ISFI álggaha sámenuoraid oanehis filbma bargobáji Anáris 10.–12.6.2016

Internašunala Sámi Filbmainstituhtta ISFI álggaha sámenuoraid oanehis filbma bargobáji Anáris ovttasbarggus Sámi oahpahusguovddážin SOGSAKK:in.

Bargobádji lágiduvvo Sámekulturguovddáš Sajosis, geassemánu 17.-19.6.2016. ISFI ohcá prošektii guhtta 16–24 -jahkasaš sámenuora, geat leat beroštuvvan buvttadit, čállit ja bagadallat sámegielat oanehis fikšuvdnafilmmaid. ISFI gokčá bargobádjái oassálasti nuoraid idjadeami, boradeami ja mátkegoluid.

Prošeavtta ulbmilin lea buktit nuoraid miehtá Sámi oktii ja addit sidjiide vejolašvuođa juohkit muitalusaid sin iežaset perspektiivvas, filmmaid bokte.

Prošeavtta vuosttaš deaivvadeamis nuorat besset ságastallat ja ovttasbargat iežaset filbmaideain, maid ovdánahttit čavčča mielde bargobájis ja bagadallamin gitta válmmaš filmmaide.

Prošeavtta figgamužžan lea buvttadit golbma oanehis filmma ja oahpahit ámmat filbmabargiiguin filbmaráhkadeami ollislaš proseassa ovdábuvttadeamis gitta loahppabuvttadeapmái. Bargogiella lea sámegiella.
Stacks Image 70575
Bargobáji struktuvra:

Geassi 2016
Vuosttaš deaivvadeapmi Anáris, filbmaideaid juohkin ja ovdánahttin. Mielde ISFI direktevra Anne Lajla Utsi, hárjánan bagadalli ja Skábmagovat-buvttadeaddji Sunna Nousuniemi oahpaheamen filbma ovdabuvttadeami birra ja addimin rávvagiid mo šaddá buorre filbma sinopsis ja giehtačálus.

Čakča 2016
Giehtačállosiid ovdánahttin – bagádallan.

Giđđadálvi 2017
Oanehis filmmaid buvttadeapmi, govvenbáikkiid válljen, neavttáriid casten, filbma govvastruktuvra “cinematography” ja jiena plánen. Oanehis filmmaid filbmen. Loahppabuvttadeapmi: Filmmaid čuohppan ja mix.

Almmuheamit sáhtát sáddet čujuhussii sunna.nousuniemi@skabmagovat.fi maŋimustá sotnabeaivve 22.5.2016.

Almmuhettiin iežat muital muital čuovvovaš áššiid:
  • Namma
  • Ahki
  • Riika
  • Telefonnummir
  • Epoastačujuhus
  • Manin don háliidat mielde prošektii?
  • Muital oanehaččat iežat birra
  • Sáddes bealle siidosaš filbma idea
Internašunala Sámi Filbmainstituhtta ISFI lea filbma- ja audiovisuála suorggi resurssaguovddáš, man ulbmilin lea nannet sámi filbma buvttadeami, buot riikain gos sámit ásset. ISFI lea earret eará buvttadan 7 Sámi Stories oanehis filbma –kollektiiva, mii lea čájehuvvon miehtá máilmmi filbmafestiváliin dego imagineNATIVE, Maoriland Film Festival ja Seattle International Film Festival. Dán jagi Sámi albmotbeaivve ISFI maiddái almmustahttii Sámi Short Films – BluRaya, mas leat 17 sámi oanehis filmma.

Lassi dieđut:
Anne Lajla Utsi
Direktevra
+47 907 55 574
annelajla@isfi.no
Sunna Nousuniemi
Koordinerejeaddji
+358 40 966 6318
sunna.nousuniemi@skabmagovat.fi