Vássan doaimmat 2013
10 sámi buvttadeaddji leat váldán eksámena

Oasseváldit leat 7 mánu oahppan filbma buvttadeami, oahpu ISF lea ovttas lágidan Göta Filmmain ja Sámi Allaskuvllain.
Ruhtadeaddjit:
Stacks Image 499
”Boaimmášbártni” vuosttaš govvenbeaivi

Buvttadeddjiid oahppit leat govven ”Boaimmašbártni” pilota ovttas ámmát filbmabargiiguin. Nils Gaup lea leamaš bagadallin ja Dan Jåma govvejeaddjin. Pilotagovven lea oassin buvttadeddjiidn ohppiid eksamenbarggus. "Boaimmášbártni" pilota galgá geavahuvvot prošeavtta viidaset ruhtadanbarggus.

Govat: Hans Olof Utsi

Filbma buvttadeapmi

ISF fállá filbma buvttadeddjiid kurssa ovttas Sámi Allaskuvllain, Göta Filmain ja Good Partners. ISF lea álggahan čieža mánnosaš kurssa, gos buvttadeaddjit galget loktet gelbbolašvuođaset. Kursa láidesta oasseváldiid buot filbmabuvttadeami proseassaid čađa, ovdabuvttadeami, buvttadeami ja loahppabuvttadeami. Ođđa sámi TV ráiddu/guhkesfilmma giehtačálus ”case study” hárjehallamis. Loga eambba: Vássan doaimmat 2010: Nuoraide ja mánáide čállit
Göta Film fállá hárjánan láidesteddjiid ja bálkášumiid vuoiti buvttadeddjiid dán kursii.

Göta Film lea Ruoŧa filbma buvttadan fitnodat ja sin filmmat leat vuoitán bálkášumiid Cannes, Berlin, Los Angeles, Montreal, Cape Town, Beirut, Créteil, San Sebastian, Lübeck, Gothenburg, Haugesund, Prix Italia filbma festiválain. Fitnodaga jođiheaddji Christer Nilson lea leamaš Ruoŧa buvttadeddjiid searvvi jođiheaddjin ja bargá maid filbma buvttadeami professorin Dramatiska Institutas Ruoŧas.

Govat: Hans Olof Utsi

Ruhtadeaddjit:
Stacks Image 1469