Vássan doaimmat 2010
Guhkes filbma bádji, jođiheaddjin Nils Gaup ja Åsa Simma. Filbma dramaturgiija ja guhkes filmma sinopsisaid ovdánahttin. Dát prográmma čađahuvvui semináran gos boađusin lei ahte guokte oasseváldi válljejuvvuiga joaŧkit ovdánahttit iežaska prošeavttaid, Siljá Somby ja Ann Holmgren.
Filbma bádji nuoraide Riddu Riđđus, jođiheaddjin Stein Bjørn. Práktihkalaš hárjehallan giehtačállimis, filmma báddemis ja čuohppamis. Boađusin lei oanehisfilbma Escape.
Animašuvdna bádji mii lei ovttasbargu Sámi Filbma Festiválain. ISF lágidii animašuvdna báji 29 mánáide Guovdageainnus. Báji jođihedje Volda Allaskuvlla animašuvnna oahppit.
Animašuvdna bádji

Dát bargobádji lágiduvvui Staares/Östersundas, Lulli sámi guovllus Ruoŧas. 19 oasseváldi ja láidesteaddjit ledje Patricia Fjellgren, Sanne Marja Utsi, Sara Åström ja Johan Martin Stenfjell. Stefan Ek oasálasttii Filmpool Jämtland beales ja Sagka Stånberg Saemest Dle.
Nuoraide ja mánáide čállit, jođiheaddjin Åsa Simma. ISF lea oaidnán stuora dárbbu ovdánahttit fálaldagaid mánáide ja nuoraide, dán vuoiŋŋas álggahuvvui giehtačállin prográmmá gos ulbmilin lei čállit mánáid TV ráiddu. Čállit Inghilda Tapio, Siljá Somby ja Jens Martin Mienna leat čállán 10 oasi mánáid TV ráiddu Boaimmašbárdni – The Feathered Messenger.
Álgoálbmot dokumentára, jođiheaddjin Mitch Torres ja Darlene Johnson, aborigiidna filbmadahkkit Australias. Dát bargobádji fállojuvvui sámi filbma dahkkiide geat leat bargame dokumentáraiguin, ja ovdánahttit sin ideaid filmmáhtalaš dássái álgoálbmot geahčestagain.
Árbevirolaš máhttu filbman. Dološ ja árbevirolaš máhtu vuođđun filmmaide. ISF lea oaidnán stuora dárbbu ovdánahttit árbevirolaš máhtu ealli govaide. Dát lea bistevaš prográmma.