Stacks Image 75332
Arctic Film Circle
Arctic Film Circle lea ovttasbargo prošeakta Nunavut Film Development Corporation filbmaásahusain Nunavutas, Canadas. AFC ovttasbargoguoibmi Ruonáeatnamis fas lea Greenland Film Makers, FILM.GL.

Prošeakta lea čohkken ovcci filbmadahkki viđa iešguđetge arktálaš álgoálbmot guovlluin, namalassii Nunavut ja Northwest territories Canadas, Alaska, Ruonáeatnan ja Sápmi.

AFC lea earenoamaš vejolašvuohta álgoáalbmogiidda gávnnadit sullasaš vásáhusaidis bokte oktasaš filbmaprošeavttain. AFC loahpalaš mihttu lea dahkat álgoálbmot fierpmádaga filbmadahkkiide vuoi boađašii buorrin boahtteáigásaš rájálrasttideaddji prošeavttaide.

Fierpmádat galgá leat ávkin buot oasálastiide ja maiddái sin verddiide. Ođđa fierpmádaga doaibma ollašuvvo buoremusat oktasaš prošeavttain, oktasaš álgoálbmot muitalusain.

Oasálastit leat čállán giehtačállosiid prošeavtta vuosttaš oasis, ja galget dál joaŧkit duohtandahkat dáid giehtačállosiid. Dán nuppi oasis ISFI ohcá doarjaga viiddidit arktálaš filbmafierpmádaga ja nu oktiičátnat álgoálbmogiid oktasaš vásáhusaid filbmamuitalusa bokte.

ISFI ohcá maid doarjaga gelbbolašvuođa háhkamii prošeavtta ollašuhttima oktavuođas. Prošeakta boahta boahtet buorrin buot oasálastiide ja ovttasbargoguimmiide fierpmádaga siskkobealde.

Nu lea ge fierpmádaga ásaheami vuosttaš lávki johtui bidjat oktasaš prošeakta máinna fierpmádat oahpásmuvvá ja doaibmagoahtá, ja maiddái lávdá.
Álgoálbmogiid nána riikkaidgaskasaš oktavuohta leat ge leamaš sin oktasaš vásáhusat ja kulturáddejupmi, ja nu lea ge dát jurdda maid šaddan vuođđun AFC prošektii.

Nu AFC oasálastit leat fárrolagaid čállán oktasaš álgoálbmot muitalusa, maid de iešguđetge guovllut fas leat ovdánahttán iežaset muitalussan. Oktiibuot mis leat vihtta giehtačállosa main lea vuođđun oktasaš muitalus, muhto mat de leat heivehuvvon daid iešguđetge guovlluide ja gielladilálašvuođaide.

Muitaluš čalmmustahttá oktasaš álgoálbmot vásáhusaid ja lea vuođđuduvvon ođđaáigásaš cuvccas, muhto das lea seammás oppamáilmmálaš vásáhusa maid buohkat áddejit.

Filbma oktavuođas lea maid gelddolaš ođđajurddašeapmi go okta oktasaš muitalus de galgá dulkojuvvot viđa iešguđetge láhkai, viđa iešguđetge geahčastágain main lea vuođđun sihke filbma muitaleapmi ja álgoálbmot jurddašeapmi.

Jurdda dahkat vihtta iešguđetge filmma seamma muitalusas šaddá earenoamaš olahus filbmamáilmmis. Muitalus mii lea ođasmahtti filbmamáilmmis lasiha liigedási prošektii.

Loahppamihttu lea čájehit filmmaid Berlinale 2017is mas dan jagi deattuhit davviguovlluid álgoálbmot filmmaid.

ISFI ja ISFI ovttasbargoguimmiid guhkit áigge jurdda AFC ovttasbargguin, lea vuođđudit bistevaš doaimma ja ásahit Davvi álgoálbmogiid filbmafoandda mii ruhtada filbmaprošeavttaid davvin, polárabirastahtti guovlluin.
Stacks Image 110677