Bagadallit
Stacks Image 525
Nils Gaup
Nils Gaup oahppan neavttár Stáhta teahterallaskuvllas Norggas (1978), lei mielde vuođđudeamen Beaivváš Sámi Nášunálateáhtera. Dagai guhkesfilmma ”Ofelaš” (1987) sámegillii mii šattai hui bivnnut. ”Ofelaš” nammaduvvui beakkán Academy Award (”Oscar”) bálkkašupmái buoremus olgoriikka filbman. Son lea dáhkan moanát filmmaid dan maŋŋá, sihke Hollywood`as ja muđui miehtá máilmmi. Su maŋemuš filbma lea ”Kautokeino-opprøret” (2008). Son lea eret Soahtefielmmás, Guovdageainnus ja orru dál Oslos.